十年前放唔低？情感內耗背後係一套「我唔值得被愛」的舊程式
你係唔係試過，明明知道個人係舊日嘅事，但一見到對方名字出現，一係睇到佢社交媒體更新，你就會停喺度，停好耐。
心跳唔知快定慢，腦袋開始自動「解讀」——「佢講嘅係唔係講緊我？」「當年嗰件事，係唔係我唔好？」明明唔係依家嘅事，但身體嘅反應就好似係昨日發生咁。你同自己講：「唔好再諗。」但腦入面係繼續轉。
如果你都有類似嘅感受，你唔係放唔低、唔係多情、唔係玻璃心——你係身體仍然在跑一套舊程式。
以下係我處理過的第 1943 個個案（匿名分享）。
了解關係治療：關係
表面困擾 vs 深層機制
A 小姐三十代初，嚟搵我嘅時候，說自己「唔知自己係點解咁上心」。
佢話，舊情人十年前分開之後，最近佢出咗本書，社交媒體帖文寫住「十年思緒沉寂成一本著作」「未趕及兌現當年承諾」——A 小姐睇到之後，整個人停喺手機前面，反覆睇，反覆解讀，然後開始搜尋對方資訊，睡唔著，返工精神恍惚，甚至影響到工作表現。
「我知道唔係依家嘅嘢。我唔係想番在一起。但係我唔知點解，個人出現，我就忍唔住。」
佢嘅問題表面上係「放唔低舊情人」，但處理落去，我發現那只係觸發舞台。真正嘅問題，埋得深得多。
冰山之下
人嘅情緒就好似一座冰山。你所見到嘅——內耗、追蹤、停唔到——係冰面上嗰舊。冰底下，係一層層早年刻落去嘅信念。
事件 A：小學二年級，A 小姐患上肝炎。消息傳出去，同班同學開始退縮，有啲避開佢，有啲驚訝咁望住佢。當時佢係細路，冇辦法理解「係病，唔係我本人」，腦袋只記錄咗一個結論：「有病＝冇人鍾意。」
事件 B：升中分流，A 小姐同原本嘅朋友群分開，舊朋友幾乎「走晒」。佢獨個兒進入新環境，身邊冇一個熟面孔。呢次嘅記錄係：「熟咗嘅人，最終都會離開。只剩我一個。」
兩件事疊加，形成一個核心信念：「我唔值得被長期喜歡。如果你真係夠熟，你終會離開我。」
呢個信念，唔係 A 小姐選擇嘅。係身體在細個嗰時，為保護自己而自動形成嘅。問題係，呢套程式，一直跑到三十幾歲。
自動化負面迴圈
每次遇到關係線索（舊情人出現、被評價、親密關係升溫），呢條 loop 就自動啟動：
觸發點：舊情人社交媒體更新
↓
潛意識自動信念：「佢講緊我嗎？係唔係我唔夠好？熟咗就會走嘅。」
↓
身體反應：心跳加速，羞恥上湧，坐唔定，停唔到
↓
防衛行為：反覆搜尋、反覆解讀、先推開對方、先做古怪行為（先「自爆」）
↓
結果強化：距離拉大、自我懷疑加深，驗證「我果然唔值得」
A 小姐唔係「想」這樣做，係身體一收到關係線索，整個迴圈就自動啟動。
快速自我檢測（3 條問題）
試答以下三條問題：
1. 當舊情人或有關係嘅人出現（社交媒體、路人提起），你係咪會停喺度，唔自覺地開始解讀或搜尋？（有 / 冇）
2. 當一段關係開始變得親密，你係咪反而開始唔安，擔心「熟咗佢就唔鍾意我」？（有 / 冇）…